點解做完鍍膜，幾個月後車身花痕會「現形」？
好多車主都有一個疑問：明明交車嗰陣架車閃閃發光，點解過咗幾個月，車身啲細紋同花痕會全部出返晒嚟？甚至開始懷疑係咪層鍍膜唔耐用、質素差？
其實最大嘅分別，唔在於上藥水嗰一步，而係上鍍膜之前嘅準備工夫！
坊間好多地方為咗貪快，喺拋光嘅時候會使用油性產品。油性產品嘅好處係可以短暫遮蓋住漆面上嘅紋路同花痕。交車時，架車有油份滋潤，一定係好靚好有光澤。但係當幾個月後，油份隨住洗車同日曬雨淋完全散開，底層嘅花痕就會「原形畢露」，全部浮返上嚟。
拒絕短暫掩飾：真正嘅漆面修復
要真正解決問題，我哋必須明白：唔係鍍膜差，而係底層根本冇做好。
喺進行高級鍍膜（例如 Feynlab SHP）之前，必須使用真正嘅拋光劑，例如 Feynlab A50 One-Step Heavy Cut Compound。我哋堅持不使用油性掩蓋物，而係透過真正嘅研磨技術，徹底去除底層嘅花痕。
點解 Feynlab SHP 對「除油」要求咁苛刻？
做完拋光之後，大部分施工商都會用除油劑處理表面。但一般產品只能處理「表面油份」，底層油份往往未能完全去除。
因為 Feynlab SHP (Self Healing Plus) 嘅化學反應比普通鍍膜強太多。如果底層仲有油份殘留，上完 SHP 之後，化學反應反而會令細紋浮現。為咗確保漆面達到 100% 乾淨無油，我哋會採取更極致嘅做法：
使用 IPA 高濃度酒精： 真正深入去除底層油份。
確保漆面絕對純淨： 確保 Feynlab SHP 能夠完美與車漆結合，發揮最強的自我修復及保護效果。
總結：選擇保護層，更要選擇優秀嘅施工商
底層做得好唔好，直接決定咗鍍膜最終嘅效果同耐用度。所以，你選擇嘅唔單止係一隻保護層產品，而係一間願意認真處理每一步嘅施工商。
Car.Something丨Detailing Experts 團隊堅持做好每一個前置細節，確保你嘅愛車得到最真實、最持久嘅保護。如果你對車漆狀況有任何疑慮，或者想為愛車尋找最合適嘅漆面保護方案，歡迎隨時聯絡我哋。
